ചിത്രം: ഹൃദയം ഒരു ക്ഷേത്രം
രചന: ശ്രീകുമാരൻ തമ്പി സംഗീതം: ജി. ദേവരാജൻ
ആലാപനം: യേശുദാസ്
മംഗളം നേരുന്നു ഞാന്‍ മനസ്വിനീ
മംഗളം നേരുന്നു ഞാന്‍
അലിഞ്ഞു ചേര്‍ന്നതിന്‍ ശേഷമെന്‍ ജീവനെ
പിരിഞ്ഞുപോയ്‌ നീ എങ്കിലും ഇന്നും
(മംഗളം നേരുന്നു..)
എവിടെയാണെങ്കിലും നിന്റെ സങ്കല്‍പ്പങ്ങള്‍
ഏഴു വര്‍ണ്ണങ്ങളും വിടര്‍ത്തട്ടേ
എന്നുമാ ജീവിത പൊന്‍മണിവീണയില്‍
സുന്ദരസ്വരധാര ഉണരട്ടേ - ഉണരട്ടേ...
(മംഗളം നേരുന്നു..)
ദുഃഖത്തിന്‍ നിഴലായി മാറിയ ഞാന്‍ നിന്റെ
കൊട്ടാരം പരിചാരകന്‍ (2)
കുങ്കുമക്കുറിയുടെ മാഹാത്മ്യം കാണാന്‍
തപസ്സു ചെയ്യും നിന്‍ സേവകന്‍(2)
പാടാത്ത ഭക്തി ഗീതമല്ലേ നീ
ഇടറിയ സ്വരധാര ഞാന്‍... (പൊട്ടിക്കരഞ്ഞു...)
ചിത്രം: രാജഹംസം
രചന: വയലാർ സംഗീതം: ജി. ദേവരാജൻ
ഗായകന്‍: യേശുദാസ്
സന്യാസിനീ ഓ... ഓ...
സന്യാസിനീ നിൻ പുണ്യാശ്രമത്തിൽ ഞാൻ
സന്ധ്യാപുഷ്‌പവുമായ് വന്നു
ആരും തുറക്കാത്ത പൂമുഖവാതിലിൽ
അന്യനെപ്പോലെ ഞാൻ നിന്നു (സന്യാസിനീ...)
നിന്റെ ദുഖാർദ്രമാം മൂകാശ്രുധാരയിൽ
എന്റെ സ്വപ്‌നങ്ങളലിഞ്ഞു
സഗദ്‌ഗദം എന്റെ മോഹങ്ങൾ മരിച്ചു
(നിന്റെ ദുഖാർദ്രമാം...)
നിന്റെ മനസ്സിന്റെ തീക്കനൽ കണ്ണിൽ വീ-
ണെന്റെയീ പൂക്കൾ കരിഞ്ഞു
രാത്രി പകലിനോടെന്നപോലെ
യാത്ര ചോദിപ്പൂ ഞാൻ (സന്യാസിനീ...)
നിന്റെ ഏകാന്തമാം ഓർമ്മതൻ വീഥിയിൽ
എന്നെയെന്നെങ്കിലും കാണും
ഒരിക്കൽ നീ എന്റെ കാൽപ്പാടുകൾ കാണും
അന്നുമെന്നാത്മാവ് നിന്നോടു മന്ത്രിക്കും
നിന്നെ ഞാൻ സ്‌നേഹിച്ചിരുന്നു
രാത്രി പകലിനോടെന്ന പോലെ
യാത്ര ചോദിപ്പൂ ഞാൻ (സന്യാസിനീ...)
Parts of this site contain text in Malayalam.
You may have to download some Malayalam fonts to view the pages correctly.
Visit 'Fonts Centre' to download all Malayalam fonts used in this site.
Favourites
First Page
