ചിത്രം: കടൽ
രചന: ശ്രീകുമാരൻ തമ്പി സംഗീതം: എം ബി ശ്രീനിവാസൻ
ഗായിക: എസ്. ജാനകി
ചിരിക്കുമ്പോൾ കൂടെ ചിരിക്കാൻ ആയിരം പേർ വരും
കരയുമ്പോൾ കൂടെ കരയാൻ നിൻ നിഴൽ മാത്രം വരും
നിൻ നിഴൽ മാത്രം വരും...
സുഖമൊരു നാൾ വരും വിരുന്നുകാരൻ (2)
ദുഃഖമോ പിരിയാത്ത സ്വന്തക്കാരൻ... (ചിരിക്കുമ്പോൾ...)
കടലിൽ മീൻ പെരുകുമ്പോൾ കരയിൽ വന്നടിയുമ്പോൾ
കഴുകനും കാക്കകളും പറന്നു വരും (കടലിൽ...)
കടൽത്തീരമൊഴിയുമ്പോൾ വലയെല്ലാമുണങ്ങുമ്പോൾ
അവയെല്ലാം പലവഴി പിരിഞ്ഞു പോകും... (2)
കരഞ്ഞു കരഞ്ഞു കരൾ തളർന്നു...
കരഞ്ഞു കരഞ്ഞു കരൾ തളർന്നു ഞാനുറങ്ങുമ്പോൾ
കഥ പറഞ്ഞുണർത്തിയ കരിങ്കടലേ... കരിങ്കടലേ
കനിവാർന്നു നീ തന്ന കനകതാമ്പാളത്തിൽ
കണ്ണുനീർച്ചിപ്പികളോ നിറച്ചിരുന്നു... (2) (ചിരിക്കുമ്പോൾ...)
ചിത്രം: ചമ്പക്കുളം തച്ചൻ
രചന: ബിച്ചു തിരുമല സംഗീതം: രവീന്ദ്രൻ
ഗായകന്‍: യേശുദാസ്
മകളേ... പാതിമലരേ നീ
മനസ്സിലെന്നെയറിയുന്നു... (മകളേ...)
കനവും പോയ ദിനവും നിൻ
ചിരിയിൽ വീണ്ടുമുണരുന്നു...
ഈ കൊതുമ്പു കളിയോടം
കാണാത്ത തീരമണയുന്നു... (മകളേ...)
കുഞ്ഞുതാരമായ് ദൂരെ വന്നു നീ
മിന്നി നിന്നിരുന്നോമനേ
അന്നുറങ്ങാത്ത രാത്രിയിൽ
നിന്റെയോർമതൻ നോവറിഞ്ഞു ഞാൻ
തഴുകി വീണ്ടുമൊരു തളിരുപാൽനിലാ -
വൊളിനുറുങ്ങു പോൽ മിന്നി നീ
അലസമൃദുലമഴകേ...
ആരിരാരാരിരാരിരോ... (2) (മകളേ...)
ഇന്നിതാ എന്റെ കൈക്കുടന്നയിൽ
പഴയ പൂനിലാ താരകം
ഒരു പളുങ്കു പൊൻ ചിമിഴിനുള്ളിലെ
മൺചിരാതിന്റെ നാളമായ്
കതിരിടുമ്പൊഴും കാറ്റിലാടാതെ
കാത്തിടും മനം കൺമണീ...
ഹൃദയമിവിടെ നിറയും
ഇനിയുറങ്ങാരിരാരിരോ...
ആരിരാരാരിരാരിരോ... (2)
Parts of this site contain text in Malayalam.
You may have to download some Malayalam fonts to view the pages correctly.
Visit 'Fonts Centre' to download all Malayalam fonts used in this site.
Favourites
Previous Pages
