ചിത്രം: പരീക്ഷ
രചന: വയലാര്‍ രാമവര്‍മ സംഗീതം: എം. എസ്. ബാബുരാജ്
ഗായകന്‍: യേശുദാസ്
ഒരു പുഷ്പം മാത്രമെന്‍ പൂങ്കുലയില്‍ നിര്‍ത്താം ഞാന്‍
ഒടുവില്‍ നീയെത്തുമ്പോള്‍ ചൂടിക്കുവാന്‍
ഒരു ഗാനം മാത്രമെന്‍ ഹൃദയത്തില്‍ സൂക്ഷിക്കാം
ഒടുവില്‍ നീ എത്തുമ്പോള്‍ ചെവിയില്‍ മൂളാന്‍ (ഒരു പുഷ്പം...)
ഒരു മുറിമാത്രം തുറക്കാതെ വെയ്‌ക്കാം ഞാന്‍
അതിഗൂഢമെന്നുടെ ആരാമത്തില്‍
സ്വപ്‌നങ്ങള്‍ കണ്ടു നിനക്കുറങ്ങീടുവാന്‍
പുഷ്‌പത്തിന്‍ തല്പമങ്ങു, ഞാന്‍ വിരിക്കാം (ഒരു പുഷ്പം...)
ചിത്രം: ഡെയ്‌സി
രചന: പി. ഭാസ്കരന്‍ സംഗീതം: ശ്യാം
ഗായകന്‍: യേശുദാസ്
ഓര്‍മ്മതന്‍ വാസന്ത നന്ദനത്തോപ്പില്‍
ഒരു പുഷ്പം മാത്രം ഒരു പുഷ്പം മാത്രം
ഡെയ്‌സി... ഡെയ്‌സി... ഡെയ്‌സി... (ഓര്‍മ്മതന്‍…)
എവിടെത്തിരിഞ്ഞാലും ഓര്‍മ്മതന്‍ ഭിത്തിയില്‍
ഒരു മുഖം മാത്രം ഒരു ചിത്രം മാത്രം
ഡെയ്‌സി... ഡെയ്‌സി... ഡെയ്‌സി...
നിനവിലും ഉണര്‍വിലും നിദ്രയില്‍ പോലും
ഒരു സ്വപ്നം മാത്രം ഒരു ദുഖം മാത്രം
വ്യോമാന്തരത്തിലെ സന്ധ്യനക്ഷത്രങ്ങള്‍
പ്രേമാര്‍ദ്രയാം നിന്റെ നീലനേത്രങ്ങള്‍ (ഓര്‍മ്മതന്‍…)
കവിളത്തു കണ്ണുനീര്‍ച്ചാലുമായ് നീയെന്‍
സവിധം വെടിഞ്ഞു പിന്നെ ഞാനെന്നും
തലയിലെന്‍ സ്വന്തം ശവമഞ്ചമേന്തി
നരജ്ന്മ മരുഭൂവില്‍ അലയുന്നു നീളേ
ഡെയ്‌സി... ഡെയ്‌സി... ഡെയ്‌സി... (ഓര്‍മ്മതന്‍)
ചിത്രം: ജാലകം
രചന: ഒ എൻ വി കുറുപ്പ് സംഗീതം: എം ജി രാധാകൃഷ്ണൻ
ഗായകന്‍: യേശുദാസ്
ഒരു ദലം...
ഒരു ദലം മാത്രം...
ഒരു ദലം മാത്രം വിടർന്നൊരു ചെമ്പനീർ
മുകുളമായ് നീയെന്റെ മുന്നിൽ നിന്നു
തരളകപോലങ്ങൾ നുള്ളി നോവിക്കാതെ
തഴുകാതെ ഞാൻ നോക്കി നിന്നു...
Parts of this site contain text in Malayalam.
You may have to download some Malayalam fonts to view the pages correctly.
Visit 'Fonts Centre' to download all Malayalam fonts used in this site.
Favourites
Previous Pages
